এই পৃষ্ঠাটোৰ বৈধকৰণ হৈছে
[ ৮ ]
যমুনাৰ জলে, ভাটিক নচলে,
বহয় উজান ধৰি।
পশুপক্ষীগণ, এৰি আন মন,
বংশিয়ে হৰিলা চিত,
উৰ্দ্ধ মুখ কৰি, বন ফল এৰি,
চাপিলা আসি সন্নিত।৷ ২৯।৷
বংশিবাদ্য শুনি, যতেক গোপিনী,
কামে জৰ্জ্জৰিত চিত।
শৰীৰ শিহৰে, লোতক নিগৰে,
বংশিৰ শুনিয়া গীত।৷
নীজ নাম ধৰি, ডাকিলন্ত হৰি,
আইস ৰাধা প্ৰাণেশ্বৰী।
শুনি বসুমতী, পদ্মৱতী ৰতী,
বৃন্দাবনে ক্ৰীড়া কৰি।৷ ৩০।৷
নীজ নাম শুনি, আনন্দে গোপিনী,
আসিলেক সেহিমতে।
কোলাৰ শিশুক, মাটিত পেহ্লাই,
চলি গৈলা লৱৰন্তে।৷
স্বামীৰ কোলাত, আচিলেক কেহো,
শুনিয়া লৱৰ দিলা।