পৃষ্ঠা:গাওঁবুঢ়া.pdf/৩০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

 ইয়ং।— অঃ, আৰু ক'ব নাই লাগে, হামি চব জানিলে। (ভোগমনলৈ চাই) আচ্ছা টুমি কাম কৰিব ফাৰিবে?

 ভোগ।— (কঁপি কঁপি) হজিৰ, হজিৰ গোলাম—

 ইয়ং।— (মিছা খং দেখাই) ইউ ডেম ফুল! কি হজুৰ গোলাম বুলি টাকিছে! কাম কৰিব ফাৰিবে? চাহাবলোকৰ খং হুনিব ফাৰিবে? (গোৰোহনি মাৰে)

 ভোগ।— (ভয়ত চুৰ্ত্তি হেৰুৱাই) হয়, হজিৰ গোলাম ডেম-ফুল! মই একো জগৰ কৰা নাই, দোহাই মহাৰাণী!

 ইয়ং।— (খঙেৰে) ইউ ডেভিল, ৰাস্কেল! টুমি হামাকে গালি ডিছে? বয় ডেকাইছে? টুমি মহাৰাণী মাটিছে! টুমি হামাকে বোকা ডেকিছে?

 ভোগ।— (বোকা হোৱা ঠাই এডোখৰলৈ চাই) অ, হয়, হজুৰ বোকা হয়! মই এতিয়া হে মন কৰিছোঁ হজুৰ বোকা আছে। কিন্তু মই গাওঁবুঢ়া হলে হজুৰ আৰু বোকা নাথাকে।

 ইয়ং।— (অপ্ৰস্তুত সেমেনাসেমেনিকৈ হাঁহি হাঁহি) আচ্ছা, টুমি টিক্ কাম কৰিব ফাৰিবে?

 ভোগ।— কাম দিলে হজুৰ গোলামে চাব পাৰে।

 ইয়ং। অঃ, চাব ফাৰিলে নাই অবে? কাম কৰিব ফাৰিব লাগে। কুলী ধৰিব ফাৰিবে?

 ভোগ।— (টনকিয়াল হৈ) অঁঃ, পাৰিম হজুৰ; কোনো কথা নাই।

 ইয়ং।— (হাঁহি হাঁহি) আচ্ছা, টুমি কাম পাব ফাৰে। (ৰত্নলৈ চাই) মৌজাদাৰ, আচ্ছা, তুমি টাকে গাওঁবুঢ়া বনাব ফাৰে।

 ৰত্ন।— ভাল হজুৰ! আজিয়েই তাক মকৰলি পৰণা দিয়ামগৈ।

ইয়ং।— আচ্ছা, এটিয়া টুমিলোক যাব ফাৰে।

ৰত্ন।— (দীঘলকৈ চেলাম দি) ভাল হজুৰ,গোলামহঁত এতিয়া আহিলোঁহে। মকৰলি পৰওণা লবলৈ কাছাৰি হুজুৰলৈ ৰৈ থাকোঁগৈ।

ভোগ।— (মাটিত হাত লগাই চেলাম দি দি পিচ্ হুঁহকি গৈ গৈ প্ৰস্থান)