এই পৃষ্ঠাটোৰ বৈধকৰণ হৈছে
৪। অঙ্ক।
প্ৰথম গৰ্ভাঙ্ক।
গুৱাহাটী,খাৰগুলি কোঁঠ।
পানীফুকন।—শুনাঁ সৈন্যগণ, ভাবীৰজা গদাবীৰে
স্বয়ং লবহি আজি সৈন্যাধ্যক্ষ বাব।
বজোৱাঁ মঙ্গলবাদ্য, বোলাঁ উচ্চস্বৰে;-
বোলাঁ একেস্বৰে, —জয় গদাপাণি জয়।
সৈন্যগণ।— জয় গদাপাণি জয়।
পাঃ ফুঃ।— বোলাঁ আৰু বাৰ,—
সৈন্যগণ।—জয় ভাবীৰাজ জয়।
(গদাপাণিৰ প্ৰৱেশ)
পাঃ ফুঃ।—পশিছোঁ শৰণ
নতশিৰে সকলোৱে; মানিছোঁ অধ্যক্ষ
আমি বীৰ গদাপাণি।
সৈন্যগণ।— গদাপাণি জয়।
২০
