এই পৃষ্ঠাটোৰ বৈধকৰণ হৈছে
২৭৫
গদাধৰ।
পাঃ ফুঃ।—অৰাজকপুৰ্ণ দেশ।
ৰাজ্য জুৰি বিয়পিছে অশান্তিৰ ঢউ।
নগৰৰ পৰা যিবা আহিছে বাতৰি,
ধুৰুপ ঘটনা। স্বৰূপ লিখিছে আৰু
বৃদ্ধ মন্ত্ৰীবৰে;— এজনৰ মন্ত্ৰণাত
ছাৰখাৰ দেশ! ৰসাতলে যায়-যায়!
—কি হব উপায়!
(প্ৰস্থান)
পঞ্চম গৰ্ভাঙ্ক।
বৰফুকনৰ বৰঘৰ।
বঃ ফুঃ।— (মজিয়াত বহি ৰোৱা খোজ এটালৈ চাই )
কাৰ খোজ ইটো?
কোন্ তেওঁ পুৰুষ প্ৰধান, খোজ যাৰ
বহি যায় মাজমজিয়াত। মহাবীৰ
জানিছোঁ নিশ্চয় তেওঁ; নতু এনে খোজ
যাৰে-তাৰে নহয় সম্ভৱ। যেয়ে হোক;
কাৰ এনে সাহ, সোমায় ভিতৰ মোৰ!
গুপ্তভাৱে আহে-যায়।
ফুকননী।—ক্ষমা কৰাঁ প্ৰাণনাথ।
দিয়াঁ ভিক্ষা এটি প্ৰাণ, অধিনীক আজি।
—ৰাখাঁ মোৰ প্ৰাণ।
