পৃষ্ঠা:গদাধৰ.pdf/৪২

২৩৬

গদাধৰ

কেইওটাই।— উঠা আক'। বলাঁ যাওঁ।

গদা।— (লাহেকৈ উঠি) বাৰু, বলহঁক। ৰজাৰ গা হব নোৱাৰিলোঁ,

ছাঁটোকে হৈ চাওঁগৈ!

(কেইওটাই হাত-ধৰাধৰিকৈ হাত-লেজু বান্ধি গদাক মাজত লৈ ) গৰখীয়া গীত। তাল—খেম্‌টা।

আজি পাতিম তোমাক ৰজা-গৰখীয়া।
বনফুলৰ মালা পিন্ধি হবাঁ তুমি ধুনীয়া।
 বৰদ'ল বৰভেঁটি,
 দিম তাতে কুশ পাতি;
বিতোপন সিংহাসনে বহিবাঁ যেতিয়া,
বহিম সকলো প্ৰজা আমি গৰখীয়া।
 ( প্ৰস্থান)

তৃতীয় গৰ্ভাঙ্ক।

ফুলনি।

ৰম্ভা।— আহা, কিনো বিতোপন
শোভা ফুলনিৰ! ফুলিছে আপোন মনে
গোলাপ, মালতী, যুতী, সেউতী, তগৰ;