এই পৃষ্ঠাটোৰ বৈধকৰণ হৈছে
২১৮
গদাধৰ।
বঃ গোঃ।- কৰিম যুগুতি মাও?
শক্তি অনুসৰি। উঠোঁ তেন্তে আজিলই
মাগিছোঁ বিদায়।
ৰাজমাও।— যোৱা বাৰু, ডাঙ্গৰীয়া!
চাওঁ ময়ো, মুক্তিৰ উপায়,
পাওঁ যদি কিবা।
(দুইৰো দুফালে প্ৰস্থান)
চতুৰ্থ গৰ্ভাঙ্ক।
ফুলনি।
পদ্মা।— নোৱাৰোঁ একোতে
পাহৰিব প্ৰাণসখী!
শয়নে, সপোনে, আৰু থাকি ডিঠকত,
কেৱলে সখীৰ ছবি দেখিছোঁ আগত।
অহ, রূপে-গুণে মায়া-মমতাৰে কিনো
আদৰ্শ ৰমণী এটি! অতুলনা আৰু
সাধ্বী সতী বীৰজায়া এই পৃথিবীত।
পাতিছিল বিধাতাই কেনে এটি জোৰা
অনুপম জয়া-গদাপাণি! কিয় বাৰু,
অকালে ঘটালে হাঁয়, অযথা বিচ্ছেদ!
( মৌন )
