এই পৃষ্ঠাটোৰ বৈধকৰণ হৈছে
২৭৬
গদাধৰ।
সভাসদ।— জয় যুবৰাজৰ জয়!
জয় কোৱঁৰৰ জয়!
দেওধাই।-আহাঁ, এবে মন্ত্ৰী সৱ,
লোৱাহি শৰণ।—
(বৰগোহাঞি, বৰপাত্ৰগোহাঞি আৰু বৰফুকনে আঁঠু লয়হি;
নেপথ্যত উৰুলি)
দেওধাই।— প্ৰতিশ্ৰুত হোৱাঁ তিনে,
সিংহাসন চুই,—ৰাখিবাঁ বিশ্বাস দৃঢ়
এই ৰাজলই।
তিনি-মন্ত্ৰী।— (সিংহাসন চুই) ৰাখিম বিশ্বাস আমি।
সাধিম সদায়, বিশ্বাসেৰে ৰাজকাৰ্য্য,
প্ৰজাহিত হেতু। (নেপথ্যত উৰুলি )
দেওধাই।—আৰু যত কৰ্ম্মচাৰী,
বিষয়ামণ্ডলী, কৰাঁ সৱে অঙ্গীকাৰ,
সেবিবাঁ বিশ্বাসে।
বিষয়াবৰ্গ।— (আঁঠু লৈ) কৰিছোঁ প্ৰতিজ্ঞা,
বিশ্বস্তে সেবিম সদা। (নেপথ্যত উৰুলি।)
দেওধাই।—আহাঁ, এবে প্ৰতিনিধি
কৰদীয়া নৃপতিৰ। সিংহাসন চুই,
জনোৱাঁহি সেৱা।
(কোচৰজা, কচাৰিৰজা, ছুটীয়াৰজা, জয়ন্তীয়াৰজা, আৰু শ্ৰীহট্টৰ ৰজাৰ।
প্ৰতিনিধিয়ে সিংহাসন চুই আঁঠু লয়হি; নেপথ্যত উৰুলি।)
দেওধাই।— প্ৰতিনিধি এইবাৰ।
মিত্ৰৰাজসকলৰ,—লোৱাঁহি ওলগ।
