এই পৃষ্ঠাটোৰ বৈধকৰণ হৈছে
৩১৯
গদাধৰ।
দেওধাই।— সৃষ্টিৰ পালক,
মহাবিষ্ণু পুণ্য নামে পিন্ধাওঁ মুকুট;
—কুশল কামনা কৰাঁ।
(মুকুট পিন্ধায় আৰু
নেপথ্যত উৰুলি)
সভাসদ।— জয় স্বৰ্গদেৱৰ জয়!
জয় গদাধৰ সিংহৰ জয়!
দেওধাই।—ৰুদ্ৰ নাম স্মৰি এবে,
ধৰ্ম্মদণ্ড দিওঁ,—দুষ্টৰ দমন আৰু
শিষ্ট পালনৰ।
(ধৰ্ম্মদণ্ড দিয়ে আৰু
নেপথ্যত উৰুলি )
সভাসদ।— জয় গদাধৰসিংহৰ জয়।
জয় মহাৰাজৰ জয়!
দেওধাই।— বৰোঁ এবে যুৱৰাজ,
লাই কোৱঁৰক; দুৱলীয়া ৰাজ-চিন্
(মুকুট পিন্ধায় আৰু
নেপথ্যত উৰুলি)
সভাসদ।— জয় যুবৰাজৰ জয়!
জয় কোৱঁৰৰ জয়!
দেওধাই।—দুৱলীয়া যুৱৰাজ
লেচাই কোৱঁৰ; দ্বিতীয় বিধৰ চিন্,
দিওঁ যথাবিধি।
(মুকুট পিন্ধায় আৰু
নেপথ্যত উৰুলি )
