পৃষ্ঠা:গদাধৰ.pdf/১১১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩০৫
গদাধৰ।

নাই কাৰো পৰিত্ৰাণ, নকৰোঁ মাৰ্জ্জনা!—
বন্দী সৱ সেনা। উচিত বিচাৰ হব
যথা সময়ত।
বঃ ফুঃ।— নিৰ্দ্দোষী সিসৱ।
গদা।- নকবাঁ সি কথা হেৰা!
ৰণভঙ্গ দিওঁতাৰ ক্ষমা ভিক্ষা নাই;—
ৰাজসেনা ৰাজদ্ৰোহী, বিশ্বাসঘাতকী।
-নসহোঁ কিঞ্চিৎ।
ৰাজখোৱা।—মানিছাঁ নে পৰাভৱ
ৰাজসেনা দল?
ৰাঃ সেনাদল।— পৰাভূত হলোঁ সৱে।
পাঃ ফুঃ।—দিব লাগে অস্ত্ৰ-শস্ত্ৰ
সমস্তে শোধাই।   ( ৰাজকীয় সেনাদলে অস্ত্ৰ শোধায় )
গদা।— অন্ত আজি ইমানতে!
—বন্দী সেনাদল।
পাঃ ফুঃ— অন্ত ইমানতে।
নপৰিল অস্ত মোৰ আজিৰ উছাহ,
নিমিলিল এটি ছেগ নিজে লৰিবৰ!
সমূখ ৰণত হাঁয়, নাপালোঁ পশিব!
নিমিটিল ৰণতৃষ্ণা!
গদা।— বলাঁ এবে, এতিক্ষণে,
ৰাজপুৰী আক্ৰমিব লাগে একচিপে।
—ধৰাঁ দ্ৰুতগতি।  (সকলেৰে প্ৰস্থান।)

⸻⸻
অঙ্কপাত
⸻⸻