এই পৃষ্ঠাটোৰ বৈধকৰণ হৈছে
৩৪
জঙ্ঘাসুৰ বধ
পূৰ্ণিমা সাৰথি আঙ্কোৱালি তুলি ধৰি।
কিছু সুস্থ কৰিলেক বচনে সাদৰি॥ ১৫৭
শ্ৰুতি পায়া নকুলেও ধনুক ধৰিলা।
দুইপাত অৰ্দ্ধচন্দ্ৰ গুণত জুৰিলা।
মহাবেগে দুইশৰ ক্ৰোধে নিক্ষেপিলা।
ধনু সমন্বিতে বৃদ্ধ আঙ্গুলি ছেদিলা॥ ১৫৮
ধনুক কাটিয়া অসংখ্যাত শৰ মাৰি।
ছাইলা দশো দিশে যেন প্ৰভাত-কুঁয়ৰী [১]॥
অসুৰেও দুই শৰ প্ৰহাৰ কৰিলা।
নকুল বীৰক ৰথ সমে শালি থৈলা॥
ভীম-জঙ্ঘাসুৰৰ যুদ্ধ
বৈশম্পায়ন বদতি শুনা নৰেশ্বৰ।
গদা তুলি খেদি গৈলা বীৰ বৃকোদৰ॥
হেন দেখি জঙ্ঘাসুৰে পৰিলা ভূমিত।
অদৃশ্য স্বৰূপে গৈয়া চাপিলা সমীপ॥ ১৬০
হুঁ হুঁ বুলি কোব বসাইলা জঙ্ঘাসুৰে।
ভীমেও প্ৰহাৰ কৰিলন্ত গুৰুতৰে॥
দুইৰো দুই গদা পাৰি আৰ্ত্তৰাৱ কৰি।
দুয়োজনে প্ৰহাৰয় প্ৰমত্তকেশৰী॥ ১৬১
- ↑ কুঁয়ৰী=কুঁৰী, কুঁৱলী।
