এই পৃষ্ঠাটোৰ বৈধকৰণ হৈছে
পদ
গৰুড়ৰ দ্বাৰা ভীমৰ বন্ধন মোন
বৈশম্পায়ন বদতি শুনা জন্মিজয়।
এহিমতে ভীম তৈত বন্দী হুয়াছয়॥
সহায় নাহিকে কেহো ভৈলা একেশ্বৰ।
কৃষ্ণক চিন্তিবে লৈলা লভি অথন্তৰ॥ ৬৮
কৃষ্ণেসে আমাক সুখ-দুখ ভুঞ্জাৱন্ত।
এহি বুলি চিন্তিবে লাগিল মহাসন্ত॥
পৰম কৃপালু তুমি দৈৱকী নন্দন।
চৰণে শৰণ লৈলো ছাড়িয়ো বন্ধন॥ ৬৯
নমো ভগৱন্ত বাসুদেৱ লক্ষ্মীকান্ত।
নমো বিশ্বম্ভৰ বিষ্ণু বিশ্বক পালন্ত॥
নমো অধীশ্বৰ মোক কৰা পৰিত্ৰাণ।
প্ৰভাতে অসুৰে প্ৰভু মোৰ লৈবে প্ৰাণ॥ ৭০
এহিমতে ভীমে স্তুতি কৰিলা বিস্তৰ।
পদবাহুল্যক ভয়ে নকৈলো অপৰ॥
ভীমৰ স্তুতিত কৃপাময় চক্ৰপাণি।
গৰুড়ক মাতি প্ৰভু বুলিলন্ত বাণী॥ ৭১
সত্বৰে চলিয়া যাহা বৈদৰ্ভ দেশক।
বন্ধন ছাড়িয়া শীঘ্ৰে উদ্ধাৰা ভক্তক॥
কৃষ্ণক প্ৰণামি পক্ষীৰাজ গৈলা লৰি।
জঙ্ঘাসুৰ নৃপতিৰ পশিলা নগৰী॥ ৭২
২
