এই পৃষ্ঠাটোৰ বৈধকৰণ হৈছে
৫১
খটাসুৰ বধ
চাৰিটী শ্লোকৰ যিটো অৰ্থক কহয়।
সেহি জন জানিবাহা ধৰ্ম্মৰ তনয়॥
পৰশিলে হৈবে তযু শাপৰ মুকুত।
এতিক্ষণে যাই তুমি থাকা পুষ্কৰ্ণীত॥১৭৯
এহি বুলি ব্ৰাহ্মণসকল চলি গৈলা।
শুনা আত অনন্তৰে যেন কথা ভৈলা॥
নহুষ পৰিল পৃথিবীত গিৰিশাই।
কল্যাণ বনত ৰৈলা অজগৰ হুই॥১৮০
পূৰ্ব্ব সংস্কাৰে যুধিষ্ঠিৰে লাগ পাই।
নহুষক উদ্ধাৰিলা সৰোবৰে যাই॥
শুনিয়োক সৰ্ব্বজন কৃষ্ণকথা সাৰ।
সন্তৰ সঙ্গত হয় পাপীয়ো উদ্ধাৰ॥১৮১
সাধু সঙ্গে বসি কৰে কৃষ্ণকথা সাৰ।
মনুষ্য জনমে লাভ নাহি আতপৰ॥
ভণে ৰাম সৰস্বতী এৰা আন কাম।
খণ্ডোক দুৰ্গতি ডাকি বোলা ৰাম ৰাম॥১৮২
সম্পূৰ্ণ
