এই পৃষ্ঠাটোৰ বৈধকৰণ হৈছে
৪৮
খটাসুৰ বধ
সতী শচী বৰে যদি ইটো তেবে কথা।
হওঁ মই ইন্দ্ৰ তেবে নহবে অন্যথা॥১৬৩
এহি কথা কহিলেক শচীৰ আগত।
শচী বোলে মই নবৰিম কদাচিত॥
[১]অযানক যান কৰি আনিবাক পাৰে।
তবে মই বৰিবাক পাৰো সাৰে সাৰে॥১৬৪
এহি কথা কহিলেক নহুষৰ আগে।
নহুষে বোলয় মোৰ ইটো বৰ ভাগ্যে॥
পৃথিবীৰ পশু পক্ষী যত জীৱগণ।
শুনিয়াছো সৰ্ব্বজন হৈয়াছে বাহন॥১৬৫
মনুষ্যত বাহন আছয় দ্বিজগণ।
আতপৰে অবাহন নাহি কোন স্থান॥
এহিমতে গুণি গান্থি নহুষ ৰাজন।
আদেশিলা ধৰি আন যতেক ব্ৰাহ্মণ॥১৬৬
ৰাজাৰ আদেশে দূত দশ দিশে গৈলা।
পণ্ডিত ব্ৰাহ্মণ সব বিচাৰি আনিলা॥
দেৱ ঋষি ৰাজ ঋষি গৈলা যত যত।
ধৰি আনি দিলা দূতে ৰাজাৰ আগত॥ ১৬৭
নহুষে বোলয় শুনিয়োক ঋষি লোক।
অম্ৰাৱতীপুৰে সবে লৈয়া চলা মোক॥
- ↑ যি বাহনত কোনেও কেতিয়াও উঠা নাইকিয়া, এনে বাহনৰ
দ্বাৰা ইন্দ্ৰপুৰলৈ আহিলে মই স্বামিত্বে বৰণ কৰিব পাৰোঁ।
