পৃষ্ঠা:খটাসুৰ বধ ‍আৰু জঙ্ঘাসুৰ বধ.pdf/৪৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৪০
খটাসুৰ বধ


এত শুনি ৰঙ্গ মনে,  চলিলেক সৰ্ব্বজনে,
 মনে চিন্তি চৰণ কৃষ্ণৰ॥১২২
শুনা সভাসদ লোক,  পাণ্ডৱৰ গুণ শোক,
 কৃষ্ণ পদ হৃদয়ত ধৰি।
কৃষ্ণ বিনে নাহি গতি, ৰহৌক চৰণে মতি,
 ডাকি সবে বোলা হৰি হৰি ॥১২৩

⸻⸻

পাণ্ডৱৰ কল্যাণ বনলৈ গমন
আৰু অজগৰৰ প্ৰশ্নোত্তৰ
পদ।

বৈশম্পায়ন বদতি শুনিয়ো জন্মিজয়।
কল্যাণ বনক লাগি পাণ্ডৱ চলয়॥
ঋষিগণ সঙ্গে যায় দ্ৰৌপদী লগত।
ভাগবে পীড়িলা সবে ভৈলা অশকত॥১২৪
কাতৰ ভৈলন্ত সবে ৰৌদ্ৰৰ তাপত।
বসিলন্ত যায় সবে বৃক্ষৰ ছায়াত॥
যুধিষ্ঠিৰে বোলন্ত শুনিয়ো বৃকোদৰ।
পিয়াসে নৰহে প্ৰাণ শুখাল অন্তৰ॥
মিলিল অসুখ মোৰ বাপ বৃকোদৰ।
জল আনি তুমি মোৰ প্ৰাণ ৰক্ষা কৰ॥