এই পৃষ্ঠাটোৰ বৈধকৰণ হৈছে
৩৯
খটাসুৰ বধ
এহি বুলি পঞ্চ ভাই, দ্ৰৌপদীক সঙ্গে লই,
ঋষি সমাজক চলি যায়।
আঠাইশ সহস্ৰ ঋষি, বিষ্ণু স্মৰি আছে বসি,
প্ৰণাম কৰিলা পঞ্চ ভাই॥
দুখৰ কাৰণ যত, প্ৰকাশিলা সমাজত,
কান্দি কান্দি শোকাৰুণ ভাৱে।
হেন দেখি ঋষি যত, কৰিলন্ত আশীৰ্ব্বাদ,
তোমাসাৰ হৌক চিৰঞ্জীৱ॥১২০
দ্ৰৌপদীক ঋষিগণে, প্ৰশংসয় ঘনে ঘনে,
ধন্যা তুমি পতিব্ৰতা সতী।
ধন্য ৰাজা যুধিষ্ঠিৰ, ধন্য চাৰি সহোদৰ,
ভাৰ্য্যা লভি আছা গুণৱতী॥
শুনি যুধিষ্ঠিৰ ৰায়, ঋষি সমস্তক চাই,
কৰযোৰে বুলিলা বচন।
আমাসাৰ দুখ যত, কি কহিবো সমাজত,
কহোঁ এক আত্ম নিবেদন॥১২১
ইটো বনবাস দুখ, সহিয়া থাকিবো কত,
ভাগ্যে ৰৈলা আমাসাৰ প্ৰাণ।
নথাকিবো ইঠানত, চলো অন্য অৰণ্যত,
এহি আজ্ঞা কৰা ঋষিগণ॥
এহি শুনি ঋষিচয়, বুলিলা তাঁহাক চাই,
ৰাজা তুমি যেহি ইচ্ছা কৰ।
