এই পৃষ্ঠাটোৰ বৈধকৰণ হৈছে
২৯
খটাসুৰ বধ
দেখিয়া অসুৰে পাছে আনন্দ কৰয়।
মাতিবে লাগিলা দ্ৰৌপদীৰ মুখ চাই॥
মাৰিলোহো ইয়ো স্বামী ভাবে কিবা আশা।
ভজিয়োক প্ৰাণেশ্বৰী নকৰা নৈৰাশা ॥৬৯
মোক নভজিলে তুমি নৰহিবা আৰ।
স্বামী বিনা পতিব্ৰতা জীৱন ধিক্কাৰ॥
আৰো কোনো আছে যদি তোমাৰ সহায়।
তাক মাতা মাৰি যমপুৰে দিওঁ ঠায়॥ ৭০
দ্ৰৌপদী বেলন্ত কাল ভৈলন্ত মোহোৰ।
এহি বিপদত কোনে কৰিবে উদ্ধাৰ॥
মোহোৰ নিমিত্তে মৰিলেক তিনি ভাই।
আৰো মোৰ অসাৰ জীৱনে আশা নাই॥৭১
অৰ্জ্জুন সমান বীৰ নাহি জগতত।
তথাপিতো হত ভৈলা মোৰ কপালত।
মৰিলেক যুধিষ্ঠিৰ ভীম ধনঞ্জয়।
এত দুখে বিধিয়ে ৰাখিবে নুযুৱায়॥৭২
নকুল সহদেৱ দুই বলে নোহে সম।
অসুৰ স্বৰূপে আসি মোৰ ভৈলা যম॥
সিয়ো দুই পতিক মাৰিবে লাগ পাই।
হাঁ বিধি কিনো ভৈলা মোহোৰ বিলাই ॥৭৩
এহি বুলি কান্দে দেৱী আৰ্ত্তৰাৱ কৰি।
অসুৰে বুলিবে লৈলা সম্ভাষণ কৰি॥
