এই পৃষ্ঠাটোৰ বৈধকৰণ হৈছে
২৮
খটাসুৰ বধ
আকাশক অসুৰে গৈলেক বেগ টানি।
শিলা বৃষ্টি কৰিলেক আৰ্জ্জুনক চানি॥
অৰ্জ্জুনে হানিলা একশৰ বৰ টানে।
অসুৰৰ শৰীৰত পৰিলা সন্ধানে॥৬৪
আবো বাৰ আসি সিটো অসুৰ দুৰ্জ্জয়।
পৰ্ব্বত গোটেক ধৰি প্ৰহাৰ কৰয়।
পৰ্ব্বত আসয় দেখিলেক বিদ্যমান।
নৱ শৰে অৰ্জ্জুনে কৰিলা খান খান॥৬৫
অসুৰে দেখন্ত চূৰ্ণ ভৈলন্ত পৰ্ব্বত।
বৃক্ষে বৰষিলা শৰীৰৰ বল যত॥
অৰ্জ্জুনেও অসংখ্যাত শৰ প্ৰহৰিলা।
আকাশত বৃক্ষ সব চূৰ্ণীকৃত কৈলা॥৬৬
দেখি খটাসুৰে ব্ৰহ্ম-নাগপাশ লৈলা।
অৰ্জ্জুনক লাগি মন্ত্ৰ পাঠে প্ৰহাৰিলা।
শীব্ৰ বেগে নাগপাশে ফুঙ্কৰন্তে [১] যাই।
অৰ্জ্জুনক বান্ধিলেক মেঢ়াই মেঢ়াই॥৬৭
বন্দী ভৈলা ধনঞ্জয় এৰাইতে নপাৰি।
বৃক্ষগোট ধৰিয়া গৈলেক আগ বাঢ়ি।
অৰ্জ্জুনৰ হিয়াত মাৰিলা দৃঢ় কৰি।
মূৰ্চ্চা যাই ধনঞ্জয় থাকিলেক পৰি॥৬৮
- ↑ ফুঙ্কৰন্তে-ফুক মাৰোঁতে।
