এই পৃষ্ঠাটোৰ বৈধকৰণ হৈছে
২৩
খটাসুৰ বধ
এহি বুলি দিশ পাশ চাহে কতদূব।
বৃক্ষ আৰ হন্তে বাজ ভৈলন্ত অসুৰ॥৩৬
যুধিষ্ঠিৰ ৰাজাৰ আগত ভৈলা স্থিৰ।
কাল মেঘ খণ্ড যেন দুৰ্ব্বাৰ শৰীৰ॥
দেখিয়া নৃপতি প্ৰহাৰিলা দশ শৰ।
ন ভৈলা ভ্ৰুভঙ্গ একো সিটো অসুৰৰ॥৩৭
পাছে একশত শৰ প্ৰহাৰিলা টানে।
কটাক্ষ নকৰে সিটো অসুৰ দুৰ্জ্জনে॥
মাথাত হানয় শৰ যুধিষ্ঠিৰ ৰায়।
তথাপিতো অসুৰৰ ভুৰি ভঙ্গ নাই॥৩৮
অসংখ্য সহস্ৰ শৰ হানিলা নৃপতি।
খটাসুৰ অসুৰে আছিলা বুকপাতি॥
শৰ প্ৰহাৰন্তে ৰাজা হাৰা শাস্তি ভৈলা।
দুৰ্জ্জয় অসুৰে তাক মনে নগণিলা॥ ৩৯
এহিমতে চাৰি দণ্ড প্ৰহাৰন্তে শৰ।
গাৱ নলাৰিলা তভো দুৰ্জ্জয় অসুৰ॥
শৰ প্ৰহাৰন্তে ৰাজা হাৰা শাস্তি ভৈলা।
ক্ৰোধে খটাসুৰে শাল বৃক্ষ তুলি লৈলা॥৪০
তিনি ডাল বৃক্ষ প্ৰহাৰিলা এক ছেগে।
নৃপতিৰ হিয়াত পৰিল মহাবেগে।
হৃদয়ত একডাল পৰিলেক টানে।
কপালত একডাল পৰিল সন্ধানে॥৪১
