এই পৃষ্ঠাটোৰ বৈধকৰণ হৈছে
৪৯
জঙ্ঘাসুৰ বধ
অৰ্জ্জুন, ভীম নকুলৰ, লগত জঙ্ঘাসুৰৰ যুদ্ধ
অৰ্জ্জুনে দেখয়, ৰাক্ষস আসয়,
মুদ্গৰক ধৰি কৰে।
অৰ্জ্জুনেও ধনু শৰ টঙ্কাৰিয়া,
হানিলন্ত চপকাৰে॥ *
জঙ্ঘা অসুৰৰ, মুদ্গৰক ছেদি
বাহিৰিয়া গৈল শৰে।
দেখিয়া অসুৰ, ৰাক্ষস দুন্দুৰ,
নসহিলা কলেৱৰে॥ ২২৪
অৰ্জ্জুনক লাগি, শকতি হানিলা,
চমৎকাৰে খেদি গৈল।
পৱন সঞ্চাৰে, হৃদয়ত বিন্ধি,
পিঠি পাশে সৰকিল॥
মূৰ্চ্ছা যায় কতো- ক্ষণে সুস্থ ভৈল,
মহাবীৰ ধনঞ্জয়।
পূন্য দশ শৰ, নকুলক লাগি,
হানিলন্ত দুৰাশয়॥ ২২৫
নকুলৰ মৰ্ম্ম স্থল ভেদিলেক,
ৰাক্ষসৰ বাণ পৰি।
নকুল বীৰেও, নগণিয়া তাক,
কাঢ়িলা হাতে আজুৰি॥
* চপকাৰ=শীঘ্ৰে৷
