৩। “বোম্বে আৰু কলিকতাৰ বিশেষ কংগ্ৰেছৰ, ১৯১৭, ১৯১৮ আৰু ১৯১৯ চনৰ কংগ্ৰেছৰ বক্তৃতাৰ অসমীয়া ভাঙনি। পুৰস্কাৰ ৫০ টকা।”
৪। “মণিৰাম দেৱানৰ চমু জীৱন-চৰিত। পুৰস্কাৰ ৫০ টকা।”
হাতে লিখা কিতাপ অহা ১৯২১ চনৰ মাৰ্চ মাহৰ ১লা সপ্তাহতে মই পোৱাকৈ পঠাব লাগিব।
পৰীক্ষকঃ— শ্ৰীযুত নবীনচন্দ্ৰ বৰদলৈ।
” সৰ্বেশ্বৰ বৰুৱা।
” চন্দ্ৰনাথ শৰ্মা।
শ্ৰীচন্দ্ৰনাথ শৰ্মা।
১।১০।২০
এই জাননীত চন্দ্ৰনাথৰ মহত্ব ফুটি ওলাইছে, কিন্তু তেওঁৰ ইচ্ছা পূৰ নহ’ল। জাননী মতে তেওঁ কাৰো পৰা কিতাপ নাপালে, টকা- কেইটাৰ আন ব্যৱহাৰ কৰিবলৈকো তেওঁৰ সময় নহ’ল।
দ্বাদশ অধ্যায়
[ মাতৃ-বিয়োগ— বাসস্থান পৰিবৰ্তন,— ৰাজনৈতিক প্ৰচাৰ কাৰ্য, কলিকতাত বিশেষ কংগ্ৰেছ,— তেজপুৰত আসাম কন্ফাৰেন্স সাহিত্য সম্মিলন সূত সম্মিলন।]
বৰপেটা কন্ফাৰেন্সত আসাম এচোচিয়েশ্যনৰ পূৰ্বৰ কৰ্মচাৰী সকলেই পুনৰ নিযুক্ত হ’ল। চন্দ্ৰনাথে আকৌ আগৰ দৰেই দেশৰ কাম কৰিবলৈ ধৰিলে।
