এই পৃষ্ঠাটোৰ বৈধকৰণ হৈছে
৬৬
কৰ্ণ পৰ্ব্ব।
পৰম ক্ৰোধতে বৃকোদৰে আছে ধৰি।
মহা ভয়ে দুঃশাসন কাম্পে তৰাতৰি॥
ভীমে বোলে ইহাৰ শোণিত কৰো পান।
অঙ্গীকাৰ ৰাখিয়া শত্ৰুৰ সুজো মান॥ ৩৫২॥
দুৰ হন্তে দেখিয়া কৈৰৱে চাই আছে।
দুৰ হন্তে ৰাজাক মাতিলা ভীম পাছে॥
শুনা অৰে দুৰ্য্যোধন দেখা মাথা তুলি।
ভায়েৰক পেশো যম সদনক বুলি॥ ৩৫৩॥
যি গৰ্ব্বত আমাক লগাইলা অপমান।
ভায়েৰক কাটি আজি সুযো তাৰ মান॥
ৰাখিবাক পাৰা যদি কৰা প্ৰতীকাৰ।
শুনা শুনা আৰ পাপী কৰ্ণ দুৰাচাৰ॥ ৩৫৪॥
দুঃশাসন যুৱৰাজক হেৰ কাটো মই।
আগ বাঢ়ি পাপী কেনে নৰাখস তই॥
শুনা অৰে অশ্বত্থামা কপটি ব্ৰাহ্মণ।
শুনা কৃপ গুৰু কৌৰৱৰ সুজো ঋণ॥ ৩৫৫॥
শুনা অৰে ৰাজাগণ বয়সে প্ৰমাণ।
পাৰা যদি ইহাক কৰিও পৰিত্ৰাণ॥
এহি বুলি ভীমে খসাইলেক খৰ্গ খান।
দুৰ্য্যোধন ৰাজা দেখি আছে বিদ্যমান॥ ৩৫৬॥
সকল কৌৰৱগণ আছে ছাই ছাই।
ৰক্ষা কৰিবাক প্ৰতি কাৰো সক্ষ নাই॥
