পৃষ্ঠা:কৰ্ণ পৰ্ব্ব.pdf/৩৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৪
কৰ্ণ পৰ্ব্ব।

শুনিয়োক কথা বালক ব্যাধৰ
 প্ৰানি হিংসা ধৰ্ম্ম ধৰি।
তাত হস্তে এক ধৰ্ম্ম সিদ্ধ ভৈলা
 স্বৰ্গক গৈলন্ত লৰি॥ ১৭৮॥
কৌশিক ব্ৰাহ্মণ সত্যক ৰক্ষন্তে
 পাপ গুচতৰ ভৈলা।
সেহি পাতকত, কৌশিক ব্ৰাহ্মণ
 নৰকক লাগি গৈলা॥ ১৭৯॥
সিতো ধৰ্ম্মচয় ভীমে শিখায়য়
 বিদুৰে শিখায়ে যাক।
কুন্তী পেসী মায়ে, যিটো শিক্ষা দেয়
 আমিয়ো শিখাইবো তাক॥ ১৮০॥
অৰ্জ্জুন বদতি শুনা প্ৰাণ সখী
 তুমিসে আমাৰ গতি।
তুমি পিতা মাতা, বান্ধৱ বিধাতা
 দেখায়ো মোক সম্প্ৰতি॥ ১৮১॥
মাধৱ বদতি, শুনা প্ৰাণ সখী
 বালক ব্যধৰ কথা।
মৃগয়া কৰন্তে, বনত ভ্ৰমন্তে
 সন্ধিলক দেখি তথা॥ ১৮২॥
প্ৰাণীৰ ৰুধিৰে তৃষ্ণায়ে পীড়িত
 কৰিলেক জল পান।