পৃষ্ঠা:কৰ্ণ পৰ্ব্ব.pdf/৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে


অসমীয়া মহাভাৰত

কৰ্ণ পৰ্ব্ব।


 জয় জয় জগত কাৰণ নিৰাকাৰ।
তোমাৰ চৰণে কৰোঁ কোটী নমস্কাৰ॥
হৃদয়ত থকা তুমি পঙ্কজ আসনে।
কন্দৰ্পক জিনি ৰূপ যাহাৰ শোভনে॥১॥
কৰ্ণিকাৰ উপৰে সাক্ষাতে ভগৱন্ত।
অষ্টদলে বসি অষ্ট নায়কে সেৱন্ত।
দক্ষিণত লক্ষ্মী যে বামত পুষ্ণি দাই।
মধ্যে ভগৱম্ভক সাক্ষাতে লগ পাই॥ ২॥
চতুৰ্ভুজ ৰূপে হৰি জগতৰ সাক্ষী।
বিষ্ময় হোৱন্তে যোগী যিটো ৰূপ দেখি॥
শৰীৰত শোভা কৰে পাট বস্ত্ৰ পীত।
মুখ কমলক নীল কুন্তলে ৰঞ্জিত॥৩॥