পৃষ্ঠা:কৰ্ণ পৰ্ব্ব.pdf/২১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৯
কৰ্ণ পৰ্ব্ব।

কৰ্ণক সম্মুখে শৰ হানিলা অপাৰ।
দেখি দুৰ্য্যোধনৰ মিলিলা হাহাকাৰ॥ ৯৭॥
বিদাৰিলা বক্ষঃস্থল হানি শৰগণ।
তোমাক দেখিয়া কি কৰিলা পাপী কৰ্ণ॥
সিবেলাত স্মৰি দ্ৰৌপদীৰ মুক্ত কেশ।
আমাক কৰিছে যেন মৃত কৰ বেশ॥ ৯৮॥
বন বাস দুখত নিকাৰ যত যত।
সিটো দুখ ক্ৰোধাগ্নি বাঢ়য় মনত॥
দূৰতে পলাই ভাগি কুৰু সেনাগণ।
তব দৰিশনে পাছে কি কৰিলা কৰ্ণ॥ ৯৯॥
যিবেলাত কৰ্ণক কাটিলা শৰ হানি।
দশোদশি কুৰু সেনা পলাইলেক চানি॥
দুৰ্য্যোধন নৃপতি কান্দিলা কেন মতে।
এহি কথা বাপু মোত কহিওঁ‌ সমস্তে॥ ১০০॥
সঞ্জয় বদতি কথা শুনা নৰেশ্বৰ।
কৰ্ণৰ ক্ৰোধত যুধিষ্ঠিৰ নৃপবৰ॥
আপোনাৰ বিপত্তি কহিলা যত মানে।
ধনঞ্জয় সকলে শুনিলা সাৱধানে॥ ১০১॥
পুছিলন্ত কৰ্ণক বধিলা মহাশয়।
পাছে সে ৰজাক মাতিলস্ত ধনঞ্জয়॥
অৰ্জ্জুন বদতি দাদা নৃপতি আদেশ।
জানা মোৰ বৈৰি সোমদত্তাদি অশেষ॥ ১০২॥