এই পৃষ্ঠাটোৰ বৈধকৰণ হৈছে
৭৮
[৪ৰ্থ অঙ্ক
কৃষ্ণ লীলা
বলোৰাম। নগৰা ঢেকুৰা কটা বগৰা শিয়াল
কিয় কৱ টান কথা। যুদ্ধ আশে আমি
আহিছোঁ ইপুৰী। এৰি দে দুৱাৰ শীঘ্ৰে
নকবি ডাঙ্গৰ কথা কৰ্কশ কঠোৰ।
১ম দূৱৰী। [ বলোৰামক কাটিবলৈ তৰোৱাল তোলে]
বলৰামে তাৰ টেঁটুত ধৰি বগৰাই দিয়ে
সি মৰে। দ্বিতীয়টো উৰ্দ্ধশ্বাসে লৰ মাৰে ]
কৃষ্ণ। চোৱা দাদা, সৌৱা কুবলয় পীড় তাতে
চুপি আছে, মাউতে কি দৰে জপাইছে
এই ফালে। বলা বলা শীঘ্ৰে কুবলয়
কংসৰ গৌৰৱ অন্ত কৰোঁ।
[ দুয়োৰ প্ৰস্থান ]
⸻⸻
দ্বিতীয় দৃশ্য
ৰাজসভা
[ কংস, মন্ত্ৰী, ৰজাগণ, পুৰনাৰীসকল, নন্দ, বসুদেৱ, দৈৱকী ]
(দুৱৰীৰ প্ৰবেশ)
দুৱৰী। প্ৰভু, ব্ৰজবাসী দুটা গোৱালৰ লৰা
আহি, প্ৰাণ ললে প্ৰধান দুৱৰীটোৰ।
কোনো মতে সাৰি মই আহিছোঁ পলাই।
সৌৱা চাওক প্ৰভু, কি দৰে যুঁজিছে দুয়ো
কুবলয় পীড় সহ।