এই পৃষ্ঠাটোৰ বৈধকৰণ হৈছে
তৃতীয় দৃশ্য
কংসৰ ৰাজসভা
[ কংস, নন্দৰাজ, বসুদেৱ, দৈবকী, মন্ত্ৰী, ৰাণী আন আন
ৰাজপুৰৰ মটা তিৰোতা ]
কংস। নন্দৰাজ বৰ সুখী হলোঁ আহিলা যে।
মধুপুৰলৈ আজি। তোমাৰ তনয়
আছে আহি অৰৰ তাত মহাসুখে।
কৃষ্ণ কোন জানিছানে তুমি নন্দৰাজ?
নন্দ। বংশৰ দুলাল মোৰ নয়নৰ মণি।
কৃষ্ণধন মহাৰাজ-
কংস। বৰ যে পুৰণি কথা শুনিছোঁ সিদিনা
নাৰদৰ মুখে। কৃষ্ণ বসুদেৱ সুত
ভনী মোৰ দৈবকীৰ গৰ্ভত উপজি
পালেগৈ বৃন্দাবন দেৱৰ মায়াত।
তুমি পুত্ৰ বুলি তালি তুলি কৰিলা
ডাঙ্গৰ। সুখী মই এনেহেন ভাগিন
ৰতন পাই। ক্ষত্ৰিয় কুমাৰ শাস্ত্ৰে
শস্ত্ৰে সুপণ্ডিত। উপযুক্ত নৰশ্ৰেষ্ঠ
হেনো। সেই দেখি হেঁপাহৰে অনাইছে
মধুপুৰীলৈ। আজি দুপৰীয়া আহি
যুদ্ধৰ কৌশল আদি দেখুৰাই মোক
কৰিবহি পৰিতৃপ্ত।