পৃষ্ঠা:কৃষ্ণ লীলা.pdf/৬২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে
৫২
[৩য় অঙ্ক
কৃষ্ণ লীলা


শ্যামল মোহনৰূপে হিয়াত বিৰাজা সদা
 দেখি হিয়া জুৰাওঁ মাধব
ইহকাল পৰকাল জীবণে মৰণে প্ৰভু
 তুমি মাথোঁ গোপিনী বান্ধব।

   (সকলো চকু মুদি ধ্যানস্থা হয়।)

(পট পৰিবৰ্ত্তন)

দ্বিতীয় দৃশ্য

মথুৰাৰ ৰাজবাট।

[ কৃষ্ণ আৰু বলোৰাম বাটে বাটে গৈ আছে। কিছু দূৰ যাওঁতেই  ঘাটলৈ পানী আনিবলৈ যোৱা মথুৰাবাসিনীয়ে লগ পায়।]

১মা। সখি, কোন সৌৱা ৰাজবাট জিলিকাই
 আহে এইফালে। কৈশোৰ বয়স অতি।
২য়া। (কলহ থৈ ) মৰতত দেখা নাই এনে সৌম্যৰূপ।
 অৰুণ আভাৰে আহা কিশোৰ দুজনে
 কিবা সুশোভন কৰি তুলিছে নগৰ।
৩ৰা। সখি দেখিছানে শুকান গছত আজি
 কি দৰে ফুলিছে ফুল। সুগন্ধি মলয়
 ৰৈ ৰৈ বয় সুশীতল। যমুনা উচলি
 বৈছে উজান মুখে। পখীৰ মধুৰ
 গীতে মুখৰিত কৰিছে নগৰখনি।