এই পৃষ্ঠাটোৰ বৈধকৰণ হৈছে
৪২
[২
কৃষ্ণলীলা
কংস। কালি কংসোৎসব হব। যত ৰজাগণ
প্ৰজাগণ পুৰনাৰী সবো সাদৰে
আহূত। মাল যুঁজ, অসি যুজ, উৎসব
অঙ্গ চিৰকাল। ব্ৰজৰ গোপাল আজি
আহিছে মথুৰা বুলি অতিথি স্বৰূপে
চাবলৈ মহোৎসব। যদি যুঁজৰ
আশাত নামে প্ৰাঙ্গণত কোনে নো বাধিব
বাৰু। যদিহে নকৰে মন ৰাজপুত্ৰ
ৰূপে ৰজগণ সহ বহি উপভোগ
কৰিব সুখেৰে উৎসব আনন্দ। চিন্তা
নাই ৰাণী যোৱা গৈ অন্তেসপুৰলৈ।
[ৰাণীৰ প্ৰস্থান]
( মুষ্টিক, চানুৰ, তোৰল, ভল্লৰ প্ৰবেশ)
চানুৰ। মহাৰজা উপস্থিত দাস, কিবা আজ্ঞা
তব।
কংস। আজি অতদিনে বৰ সযতনে মাল
পুহিলোঁ। তুষিলোঁ, ভূষিলোঁ, সবাকো মই।
সময় হৈছে আজি পৰীক্ষাৰ হেতু।
মোৰ প্ৰাণ বৈৰী, কৃষ্ণ বলোৰাম আহি
আছে মথুৰাতে। কালি দুপৰীয়া বেলা
আহিব উৎসব ক্ষেত্ৰলৈ দুয়োজন বীৰ।
তোড়ন মুখত থাকিব যতনে পীড়
গজুৰাজ কুবলয়। তোমালোকো মাল
বাটে বাটে থাকিবা যতনে সাজু হৈ।
