পৃষ্ঠা:কৃষ্ণ লীলা.pdf/৩২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
২২
[১ম অঙ্ক
কৃষ্ণলীলা


 ধৰে শান্ত ভাব, দেখিলে তোমাক সখা,
 তেনে হেন নিধি তুমি, এৰি গলে হব
 দগ্ধ মন প্ৰাণ
২য় গোঃ। কিবা দশা হব ব্ৰজৰ গোপীৰ?
কৃষ্ণ। গোপিনী সকল সখী, জীৱাত্মা ৰূপিণী
 সমস্ত ব্ৰহ্মাণ্ড লীলাভূমি তোমাসাৰ
 প্ৰত্যেক জীৱই হিয়া মোকলাই চালে
 দেখা পাব গোপিনী ৰূপিণী জীবাত্মাক।
 প্ৰত্যেক উশাহ জীৱাত্মাৰ হাকুলি
 বিকুলি মাথো, মিলিবলৈ পৰমাত্মা
 মহাকাল ৰূপী সহ। মোৰ সতে সখী
 যি মহা মিলন আজি গোপ গোপিনীৰ
 সি যে পৰমাত্মা জীৱাত্মাৰ অপূৰ্ব্ব।
 সংযোগ। পূৰ্ণৰ লগত পূৰ্ণৰ মিলন
 বিৰহ বিহীন অনন্ত অনন্ত যুগব্যাপী।

কৃষ্ণই গায়

গীত

হাবিৰে তলিতে ফুলিলে ফুলে ঐ
 থাকে সূৰুযলৈ চাই
নিজৰে মনতে নিজে বাঙ্গে চৰাই
 হিয়া ভৰি ভালে পায়
পচিমৰ মেঘতে বেলি বুৰি গলে
 ফুলকে মাতোতা নাই
সূৰুযৰ ছবিটি হিয়াতে নিৰখি
 আপোন পাহৰি যায়।