পৃষ্ঠা:কৃষ্ণ লীলা.pdf/১৪৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে
১৩৪
[৫ম অঙ্ক
কৃষ্ণ লীলা

 গোপীৰ। ব্ৰত সাঙ্গ হ’ল এৱে। জীৱাত্মা
 ৰূপিনী গোপিনী সকল প্ৰাপ্ত হলা
 কৃষ্ণত্ব সৱেও। বোৱা সৱে বৈকুণ্ঠলৈ
 সশৰীৰে কৃষ্ণ মূত্তি ধৰি। বিষ্ণু দূতে
 আনিছে বিমান সৌৱা। মায়া মই দূৰ
 কৰি দিলোঁ। চোৱা চকু মেলি, মতিয়া
 চকুৰেই চোৱা মোৰ ৰূপ।
১ গোঃ। নমো নমো অনাদি অনন্ত বিশ্বৰূপ।
২য়া। নমো নমো সৃষ্টি স্থিতি প্ৰলয়ৰ স্বামী
 মহাকাল ৰূপী জনাৰ্দ্দন।
৩য়া। নমো নমো অব্যক্ত অব্যয় সনাতন,
 নমো নমো চৰাচৰ প্ৰভু জগতৰ।
  (বিষ্ণুদূতৰ প্ৰবেশ)
বিষ্ণু দূত। প্ৰভু, স্মৰণ মাত্ৰকে দাসে পুষ্পক
 বিমান আনিছোঁ ত্বৰিতে। কিবা আজ্ঞা হয় প্ৰভু।
কৃষ্ণ। মোৰ এই ভকত সকলো, পুষ্পক
 ৰথত তুলি লৈ যোৱা বৈকুণ্ঠপুৰীলৈ।
 [গোপীসকলে আৰু বিষ্ণুদূতে নমস্কাৰ কৰি গুছি যায়]

(নাৰদৰ প্ৰবেশ )

—গীত—

কৃষ্ণ নাম কি মধুৰ নাম, গোৱাঁ গোৱাঁ নৰ মুখে অবিৰাম
গোৱা সৰ্ব্বদায় মুখ ভৰি ভৰি, অমিয় মাধুৰী ভৰা হৰি নাম।
কলিৰ কালত ত্ৰাণৰ উপায়, ভক্তি ভাবে লোৱা কৃষ্ণ নাম।
যাগ যজ্ঞ সব মিছা সঁঁচা হৰি নাম বদন ভৰি গা হৰে কৃষ্ণ নাম
   কৃষ্ণ নাম কি মধুৰ নাম।