এই পৃষ্ঠাটোৰ বৈধকৰণ হৈছে
পঞ্চম দৃশ্য
ব্ৰজধাম।
(যশোদা বহি আছে)
গীত
যশোদা। প্ৰাণ কৃষ্ণ দেখা দিয়া⸺দুখুনি মাৰক আজি মই পুত্ৰ বিবহিনী কোলাত বহাঁহি আহি। হিয়া ফালি কোনে মোৰ বাছাক কৰিলে চুৰ আহা বাছা আহা মণি নিজীয়ে পৰাণ মোৰ। প্ৰেমৰ পুতলি তুমি হিয়াখনি প্ৰেমে ভৰা— মাতৃৰ হিয়াৰ ব্যথা গুচুৱাই দয়া কৰা। নেপথ্যত বংশীধ্বনি⸺ যশোদা। ক’ত বাজে বাঁহী —প্ৰাণৰ কৃষ্ণৰ বাঁহী মাত, (অলপ ৰৈ শুনে) কোনে গায় গীত—
গীত
আই আই চেনেহী সদৰি আই ঔ,
গৌৰব মণ্ডিত মাতৃ মন্দিৰত চৰণত দিয়া ঠাই ঔ,
মোৰ চেনেহি সাদৰি আই ঔ।
হিয়াত বইছে চেনেহ অমিয়া পাদযুগ পুণ্যময়ী
আই ঔ মোৰ পাদযুগ পূণ্যময়ী⸺
চৰণ পৰশে পূত ধৰাতল সতীগণ শিৰোমণি
আই ঔ সতীগণ শিৰোমণি।
