এই পৃষ্ঠাটোৰ বৈধকৰণ হৈছে
৪ৰ্থ দৃশ্য]
১১১
কৃষ্ণলীলা
ধাৰ্ম্মিক প্ৰবৰ বুলি যি সৱৰ খ্যাতি।
প্ৰথমেই যাওক বিশ্বাসী যাদৱ বীৰ ⸺
পাণ্ডৱ নগৰ হস্তিনা পুৰলৈ। ধৃতৰাষ্ট্ৰ
ৰজাৰো ৰাজন তাত, সম্বন্ধও লাগে
কুৰুকুল সহ যদুকুল ক্ষত্ৰিয়ৰ।
তাৰ পাছে অযোধ্যা, পাঞ্চাল, বিৰাট,
কোশল আদি যত ৰজাগণ আছে।
উগ্ৰসেন ৰজা হল, মিত্ৰতা বিচাৰে
যদুকুলে বুলি বিনয়েৰে সন্ধি থাপি
আহক উভতি দূত, ই ফালেদি কৃষ্ণে
মই দুয়োজনে সৈন্য ৰক্ষা শিক্ষা আদি
চলাম যতনে।
⸻
চতুৰ্থ দৃশ্য
[ৰাজপ্ৰাসাদৰ দুৱাৰ মুখ]
দুৱৰী। [ তৰোৱাল খুলি থিয় হৈ আছে ]
কাৰ লৰা, ক’ৰ পৰা আহিছ তহঁত
নিতান্ত বৰ্ব্বৰ বেশী? গৰখীয়া যেন
বেশভূষা, মুখত কেবল হা কৃষ্ণ,
হা কৃষ্ণ মাত। নেজাননে কৃষ্ণ বলোৰাম
মথুৰাৰ ৰজাৰো ৰাজন ৰাজেশ্বৰ?
