এই পৃষ্ঠাটোৰ বৈধকৰণ হৈছে
৭৩
কুমৰ-হৰণ
ৰাজাত জনাইবে গৈল হুপিখাই লড়ে।
সমৰ মিলিল আসি আমাৰ নগৰে॥
সেনাগণ আসি আছে সাগৰ সঙ্কাশ।
লীলায়ে শোণিতপুৰ কৰিব বিনাশ॥
হেন শুনি যুদ্ধক সাজিলা বাণৰাজা।
লগে সাজি লৈয়া হয় হস্তী বহু প্ৰজা॥
দশ অক্ষৌহিনী সেনা লগে চলি যাই।
প্ৰজাৰ উপৰে কাক শগুণ উড়াই॥
হালধীয়া মেঘ সবে ঢাকিল আকাশ।
আগত শৃগাল আসি পাৰয় আটাস॥
যাত্ৰাকালে ৰাজায়ো দেখিলা শুদা হাণ্ডী।
বোলা-বুলি কৰি দ্বন্দ্ব কৰে দুই ৰাণ্ডী॥
আৰো দেখিলেক ৰাজা তৈলৰ পসাৰী।
আগে লৈয়া যাই দেখে খৰি ভাৰ চাৰি॥
হেন বিমঙ্গল সব দেখিলা ৰাজাই।
বলৰ দৰ্পত সিতো কাকো নডৰায়॥
দুৰ্জ্জয় সেনাৰ ঘোৰ তৰ্জ্জন গৰ্জ্জন।
আন্দোল আস্ফালে মহী কাম্পে ঘনে ঘন॥
দুই খান মেঘ যেন ভৈল এক ঠাই।
ৰামে ৰাৱণক যেন মতে খেদি যাই॥
