এই পৃষ্ঠাটোৰ বৈধকৰণ হৈছে
৭১
কুমৰ-হৰণ
দশ লক্ষ সেনা চলে ঘোটকৰ আগে।
তূণ শৰে ভৰি সবে চলে বায়ুবেগে॥
ধনু আছাৰন্তে যাই পৰম আটাস।
ধনুকীৰ শৱদে পূৰিল দিশ পাশ॥
ধনুকীৰ আগে সেনা চলে বিপৰীত।
নানাবিধ খাণ্ডা বাৰু ধৰিয়া সমস্ত॥
কতো যাই ডাম্ফি কৰে বলে মত্ত হুই৷
লৱৰৰ ছোটে মহা পাষাণ উড়াই॥
আগে চলে বলভদ্ৰ পশ্চিমত কাম।
দক্ষিণত গদ যান্ত উত্তৰত সাম॥
মধ্যত গোবিন্দ যান্ত আতি সমদলে।
দলদোপ বসুমতী প্ৰজাৰ হিন্দোলে॥
গোবিন্দৰ পাশে বড় বড় বীৰ চলে।
এহিমতে যুদ্ধক লৰিলা কৌতূহলে॥
ছিন্ন চৌণ্ডা পতাকা তোৰণ ধ্বজদণ্ড॥
লেখা জোখা নাহিক যতেক বাদ্য়ভাণ্ড।
যদ্যপি বহুত পথ বাণৰ নগৰী।
তিনি দিনে পাইলা প্ৰভু মহা বেগ ধৰি॥
ব্যাপিয়া আছন্ত হৰি তিনিয়ো জগত।
কোননো অশক্য আছে তাহান আগত॥
৭১
