এই পৃষ্ঠাটোৰ বৈধকৰণ হৈছে
৫৮
কুমৰ হৰণ
আসিল নাপিত হাতে আছয় দাপোণ।
দেখি কুঁজী খোজে তাক আতি ৰঙ্গ মন॥
ৰাজাৰ পাশক যাওঁ দিয়োক দাপোণ।
মুখ খান চাই লওঁ কেনুৱা শোভন॥
নাপিতে বোলয় মুখ ভাল আছে কুঁজী।
দেখিলে নৃপতি বহু আদৰিবে আজি।
নাপিতে কুঁজীৰ হাতে দিলেক দাপোণ।
দান্ত নিকোটাই তাই চাহাৱে বদন॥
খুমুচি আকাৰ মুখ দেখিলেক তাই।
নাপিতক মাতে পাছে মুণ্ড দুপিয়াই॥
ইটা-জাঁৱ দিয়া নোশোন্ধালি কি কাৰণ।
দাপোণৰ দোষে মুখ দেখো কুলক্ষণ॥
নাপিতে বোলয় মুখ তোৰ ভাল আছে।
বেয়া দেখ দাপোণৰ দোষে জান সাঁছে॥
যায়ো ৰাজ সভাক নাভাব মনে আন।
মুখ দেখাই পাবি কুঁজী বহুত সম্মান॥
নাপিতৰ বাক্যে কুঁজী উত্ৰাৱল কায়।
লচপচ কৰি ৰাজসভা পাইল যাই॥
বহল সমাজে ৰাজা আছন্ত সহজে।
দেৱতা সহিতে যেন ইন্দ্ৰ স্বৰ্গ মাজে॥
