পৃষ্ঠা:কুমৰ হৰণ ৷ চন্দ্ৰ ভাৰতী.pdf/৫৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৫৪
কুমৰ-হৰণ

কুপিত সিংহক তই লগাৱস মাত।
আশীবিষ সৰ্পৰ গাৱত দেস হাত॥
কৈৰ পৰা আসি তই পাইলি ইটো ৰাজ।
এবে মৰি যাইবি তই যমৰ সমাজ॥
কৃষ্ণৰ পৰম ভক্ত শ্ৰীচন্দ্ৰ ভাৰতি।
বোলে হৌক হৰিপদে অচলা ভকতি॥


দুলড়ী

কৈক লাগি আইলে  দুই চক্ষু খাইলে
 মিছাত প্ৰাণ সুজাইলে।
সাগৰৰ জলে  নাৱক বুড়াইলে
 অল্পতে ঘাড় কটাইলে॥
তোহোৰ যে সাস  বাঘক জোঙ্কাস
 জানিয়া গৰল খাস।
পলাইবে নপাস  এবে ভৈলি নাশ
 ঝাণ্টে গাৰ তুলি আস॥
তোহোৰ পৰাণে  আসিলি ইথানে
 দুঃখ পাইবি অবিকলে।
চাহা গুণি মনে  উঠি এতিক্ষণে
 কেশে নউ ধৰো ভালে॥