পৃষ্ঠা:কুমৰ হৰণ ৷ চন্দ্ৰ ভাৰতী.pdf/৫৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৫৩
কুমৰ-হৰণ

সিদ্ধি ভৈলা মনোৰথ পূৰিলন্ত আশ।
পূহাইল ৰজনী ভৈল ৰবিৰ প্ৰকাশ॥
স্নান পান ভোজন কৰিয়া পূৰ্ব্বৱতে।
আঠ দিন এহিমতে গৈল অলক্ষিতে॥
ৰতিৰসে আনন্দতে আঠ দিন গৈল।
শুনিয়োক তাত পাছে যেন কথা ভৈল॥
কুঁজী নামে আছে তাত এক দুষ্টা নাৰী।
পাতি আছে নৃপতি ঊষাৰ অধিকাৰী॥
কোটৰা কোটৰী আখি বহল কপাল।
খুমুচি আকাৰ মুখ টেমি হেন গাল॥
নাক গোট চেপেটা কুলাৰ সম কাণ।
পিঠিত কুঁজেক আছে উধান সমান॥
মুঠন হাতেক জানা তাইৰ দীৰ্ঘ গল।
দুই খান হাত ভৰি তিতিনি দীঘল॥
ঊষা কুমাৰীৰ তাই হোৱে নিজ দাসী।
আঠ দিন অন্তৰে দেখিল তাই আসি॥
ঊষা অনিৰুদ্ধ বসি আছে এক সঙ্গে।
দশন কামুৰি তাই মাতিলেক খঙ্গে॥
অৰে তৰে চোৰ তোৰ গহ এতমান।
লোহায়ে বান্ধিলি ঘাড় আসিলি ইথান॥