পৃষ্ঠা:কুমৰ হৰণ ৷ চন্দ্ৰ ভাৰতী.pdf/৪১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৮
কুমৰ-হৰণ

পদ।

নাৰদৰ বচন শুনিলা সেহি থান।
মহাৰঙ্গে চিত্ৰলেখা দিলা সমিধান॥
দেখিয়োক গুৰু মোৰ মায়াৰ প্ৰভাৱ।
হৰিণলুকিৰ বস্তু সাজোঁ এহি ঠাৰ॥
চিত্ৰলেখা ঈশ্বৰক প্ৰণামিলা মনে।
বিপৰীত মায়া কৰিলন্ত তেতিক্ষণে॥
বৈশাখ, জ্যেষ্ঠ, আষাঢ়, শাওণ বহি গৈল।
দণ্ডেকৰ ভিতৰত ভাদ্ৰ আসি ভৈল॥
দুভাগ নিশাত চন্দ্ৰ আছন্ত প্ৰকাশি।
লাগিল গ্ৰহণ ৰাহু গ্ৰাসিলেক আসি॥
সেহি বেলা উড়ি যাই খঞ্জৰিত পক্ষী।
তাক জাম্প দিয়া ধৰিলেক চিত্ৰলেখি॥
পটাত পিসিয়া বড়ি সাজিলেক তাই।
মনত বিস্ময়ে ঋষিৰাজে আছে চাই॥
কৰত মৰ্দ্দিয়া কপালত দিয়া ফোঁট।
তেতিক্ষণে ভৈল তাই মধুকৰী গোট।
উড়াৱ কৰিয়া তাই কতো দূৰে গৈল।
নাৰদৰ আগে আসি উৎসন্ন ভৈল॥