এই পৃষ্ঠাটোৰ বৈধকৰণ হৈছে
৩৬
কুমৰ-হৰণ
এহিমতে গুণি কাষ্ঠচয় আনি
অগনি জ্বালিলা তাই
অগনি উঠিল গগন ব্যাপিল
দেৱ ঋষি আছে চাই॥
শিৱৰ চৰণে নমি চিত্ৰা মনে
মৰিবাক ভৈলা সাজ।
তিৰীৰ সাহস জানো কৰে জাস
হাক দিলা মুনিৰাজ॥
নমৰিবি তই মায়া কহোঁ মই
শুনিয়ো মোৰ বচন৷
ভাদ্ৰৰ মাসত দুভাগ নিশাত
লাগিব চন্দ্ৰ গ্ৰহণ॥
ওবা চিত্ৰলেখি খঞ্জৰিত পক্ষী
আকাশে যাইবেক উড়ি।
তেতিয়া ধৰিয়া পটাত বাটিয়া
সাজিবি তাহাৰ বড়ি॥
কৰত মৰ্দ্দিয়া গুৰু সুমৰিয়া
কপালত দিবি ফোট৷
অতি ক্ষুদ্ৰতৰ কায় কলেৱৰ
হুইবি মধুকৰী গোট॥
