এই পৃষ্ঠাটোৰ বৈধকৰণ হৈছে
৩১
কুমৰ-হৰণ
আপুনি গোবিন্দ এৰিলন্ত নিন্দ
ৰাত্ৰি দিন সম কৰি।
গঢ়ৰ চৌপাশে ফুৰি অহৰ্নিশে
আপুনি বাখন্ত হৰি॥
দ্বাৰকা নগৰী গোবিন্দৰ পুৰী
দেখন্তে লাগয় ত্ৰাস।
দেৱে ৰাখে আতি দেৱৰ পদাতি
কোনে লঙ্ঘিবেক পাশ॥
হেন শুনি তাই মাতিলা দুনাই
শুনিয়োক মুনিবৰ।
সাগৰ তৰিবো কুমৰ হৰিবো
মায়া জানো বহুতৰ॥
যাইবো মায়া কৰি বিষ্ণুৰ নগৰী
কেহো নিচিনিবে মোক৷
সকল কাৰ্য্যত আপুনি পাৰ্গত
অল্প নেদেখিবা মোক॥
তাইৰ বাণী শুনি মাতিলন্ত মুনি
হাঁসি হাঁসি মুখ চাই।
কহ তোৰ থান গহ এত মান
কহিয়ো মোত বুজাই॥
