এই পৃষ্ঠাটোৰ বৈধকৰণ হৈছে
৩০
কুমৰ-হৰণ
চেতন লভিয়া তাহাঙ্ক নাপায়া
সখী নিজীৱয় প্ৰাণে।
সেহিসে কাৰণে কুমৰ-হৰণে
আসিছো দ্বাৰকা থানে॥
দ্বাৰকাক যাই কুমাৰক পাই
আনিবো বাণৰ ৰাজ্য।
জীয়াইবো ঊষাক আনিবো তাহাঙ্ক
কহিলো মোহোৰ কাৰ্য্য॥
নাৰদ বদতি শুনা মহামতি
কুভাণ্ড মন্ত্ৰীৰ জীউ।
সাগৰ তৰিবি কুমৰ হৰিবি
তোৰ এতমান হিউ॥
ওবা চিত্ৰলেখি মই আইলো দেখি
কুমৰক সেহি ৰাজে।
যাক বীৰগণে ৰাখে সৰ্ব্বক্ষণে
লোহাৰ গঢ়ৰ মাঝে॥
পূবে হনুমন্ত সসৈন্যে ৰাখন্ত
পশ্চিমে গৰুড় পক্ষী।
দক্ষিণত ৰাম উত্তৰত শ্যাম
সততে থাকন্ত ৰাখি॥
