পৃষ্ঠা:কুমৰ হৰণ ৷ চন্দ্ৰ ভাৰতী.pdf/২৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২১
কুমৰ-হৰণ

শশা কান্ধে চন্দ্ৰক লিখিলা ভাল কৰি।
ত্ৰিদশ দেৱক তাই লিখিলে সুন্দৰী॥
যাৰ যেন ৰূপ গুণ যাৰ যেনে থান।
যি দেৱৰ যিবা আসি হোৱয় বাহন॥
ব্যক্ত কৰি চিত্ৰতে লিখিল৷ চিত্ৰলেখা।
প্ৰত্যেক কৰিয়া তাক সেহি থানে দেখা॥
ঊষাৰ আগত দেখাইলন্ত চিত্ৰলেখা।
ত্ৰিদশ দেৱক সখি ভাল মতে দেখা॥
ত্ৰিদশৰ মাজে তোৰ স্বামী আছে নাই।
স্বৰূপ কৰিয়া কহ চিত্ৰপট চাই॥
ত্ৰিদশৰ মাজে স্বামী বাঞ্ছা কৰ যাক।
তই মাত্ৰ কহ মই আনি দিওঁ তাক॥
হেন শুনি ঊষা পাছে চিত্ৰ পট চাই।
সখীক বুলিলা আত মোৰ স্বামী নাই॥
হেন শুনি চিত্ৰলেখা ঊষাৰ উত্তৰ।
পাছে লিখিলেক তাই গন্ধৰ্ব্ব কিন্নৰ॥
দেৱ ঋষি সকলক লিখিল সুন্দৰী।
ঊষাক দেখাইলা নিয়া কুভাণ্ড কুমাৰী॥
কতো বেলি ঊষা পাছে চিত্ৰপট চাই।
নশ্চয়ে বুলিলা আত মোৰ স্বামী নাই॥