এই পৃষ্ঠাটোৰ বৈধকৰণ হৈছে
১৬
কুমৰ-হৰণ
ত্ৰৈলোক্যৰ নাথ হৰে বুলিলন্ত হাসি।
সন্নিততে যুদ্ধ পাইবি কহিলো প্ৰকাশি॥
যেবে তোক দেখিলে ভাগিবে মৈৰাধ্বজ।
তেবে যুদ্ধ পাইবি আপোনাক হুয়ো সাজ।
হৰগৌৰী নমি পাছে চলি গৈলা বাণ।
অভ্যন্তৰে মৈৰাধ্বজ আছে যিবা স্থান॥
ভাগি আছে মৈৰাধ্বজ দেখিলেক যাই।
মহাৰঙ্গে গৈলা ৰাজ৷ আপোনাৰ ঠাই॥
সপোনে সচেতে ৰাজা তাক কৰে ধ্যান।
লাগিল বিৰাট যুদ্ধ দেখি বিদ্যমান॥
ফন্দে উৰু কৰ বাহু কপোল হৃদয়।
উলকা নিৰ্ঘাত ধূমকেতু দৰশয়॥
সাজে পাৰে ছাড়ে প্ৰজা নাই মন সুখ।
ঊষা কুমাৰীৰ কথা শুনি মন দুখ॥
চিত্ৰলেখা বোলে সখি কিনো ভৈল তোৰ।
কিবা সপোনত তই দেখি আছ চোৰ॥
কিবা সিংহ বাঘে তোক জগাইলে সপোনে।
আৰ্ত্তনাদ কৰি গেৰি পাৰ সখি কেনে॥
কি কাৰণে শয্যাত পাৰস হাতলোৰ।
প্ৰভু প্ৰভু চেঞ্চাৱস হাসি উঠে মোৰ॥
