এই পৃষ্ঠাটোৰ বৈধকৰণ হৈছে
৯
কুমৰ-হৰণ
ঊষাক থৈলন্ত নিয়া তাহাৰ মাঝত।
বৃদ্ধা বৃদ্ধা নাৰীগণ দিলেক লগত॥
বাণ নৃপ অমাত্য কুভাণ্ড নাম যাৰ।
চিত্ৰলেখা নামে এক কন্যা আছে তাৰ॥
ৰূপে গুণে ঊষাৰ সমান চিত্ৰলেখী।
ঊষা চিত্ৰলেখী দুইহন্তো প্ৰাণসখী॥
শয়নে ভোজনে একেলগে দুই সখী।
দণ্ডেকো নিজীয়ে দুই দুহাঙ্কো নেদেখি॥
সৰ্ব্বক্ষণে উষাৰ নছাৰে তাই পাশ।
উষাৰ লগতে চিত্ৰলেখাৰ নিবাস॥
হেনমতে থাকে দুয়ো নাহি সুখ শান্তি।
দেখিতে নাপাই সূৰ্য্য চন্দ্ৰৰ জেউতি॥
চিত্ৰলেখা সুন্দৰী পঢ়ান্ত কাব্যকোষ।
খনো পাশা খেলি কৰে হৃদয় সন্তোষ॥
বন্দীৰ আকাৰে ঊষা থাকয় ভিতৰে।
বাহিৰ নোলাই বাণ নৰপতি ডৰে।
ঊষায়ে বোলন্ত সখি কৰি আছো পাপ।
নজানো কিষক লাগি খঙ্গিলেক বাপ
দ্ৰোহীয়াৰ থানে নিৰ্ব্বাসক দিলে মোক
বন্দীৰ আকাৰ ভৈলো নেদেখোহো লোক॥
