পৃষ্ঠা:কুমৰ হৰণ ৷ চন্দ্ৰ ভাৰতী.pdf/১০৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১০০
কুমৰ-হৰণ

দ্বাৰকা নগৰে লোক নিৰন্তৰে
জানিলা আসন্ত হৰি৷
সবান্ধৱে আসে পৰম উল্লাসে
হাতে দাপ ঘট ধৰি॥
ঊষা অনিৰুদ্ধ বিবাহ প্ৰসিদ্ধ
কৰাইলা বংশ যতেক৷
চিত্ৰলেখা গদ বিবাহ আমোদ
কৰাইলা হৰি প্ৰত্যেক॥
সমস্তৰ চিত কৰিলা ৰঞ্জিত
সকলে সন্তোষ ভৈল৷
আনো ৰাজা যত দেৱতা সমস্ত
পৰিবৰ্ত্তি গৃহে গৈল॥
ভাগৱত পদ শুনা নিশবদ
বিৰচিলো ৰঙ্গমনে৷
হৰিহৰ ৰণ কুমৰ হৰণ
সমাপতি এহিমানে॥
নমো নমো কৃষ্ণ কৃপাময় ইষ্ট
কৃপাৰ সাগৰ হৰি৷
কৃপা কৰা নাথ ত্ৰাহি জগন্নাথ
সবে দোষ পৰিহৰি॥