পৃষ্ঠা:কুমৰ হৰণ ৷ চন্দ্ৰ ভাৰতী.pdf/১০২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

হৰিৰ প্ৰসাদে বাণ সৰ্ব্বসিদ্ধি ভৈল৷
মানবী শৰীৰে দেৱ ভুবনক গৈল ৷৷
পাছে মহাৰঙ্গে ৰথে চড়ি দেৱ হৰি।
চলিলন্ত আপোনাৰ দ্বাবকা নগৰী৷৷
মহাৰঙ্গে পুষ্প বৰিষন্ত দেৱগণ৷
পৰম আনন্দে যান্ত আপোনাৰ থান॥
শ্রীচন্দ্ৰ ভাৰতী ভণে তেজা আন কাম ৷
পাতক ছাৰোক ডাকি বোলা ৰাম ৰাম ৷৷

দুলৰী

দ্বাৰকা নগৰ যান্ত দামোদৰ
কৰি আতি বহু ৰঙ্গ।
সোণাৰ আস্ফোট নাচে নটী নট
বাজয় তাল মৃদঙ্গ॥
বাজয় মাদল তাল কৰতাল
অসংখ্য হাজাৰ বাজে৷
বাৱে বাদ্যভাণ্ড উথলে প্ৰচণ্ড
যেন ঘন মেঘ গাজে ৷