পৃষ্ঠা:কাশ্মীৰ কুমাৰী.pdf/৩৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে



৫ম দৃশ্য-কমলাৰ কক্ষ।

(এখন শয্যাত কমলা শুই থাকে; টোপনি। বিমলাই
আগৰ গীতটো গাই গাই লাহে লাহে
শয্যাত বহেহি।

 বিমলাই গীত গাই থাকে, তেতিয়াও কমলাৰ টোপনি। )

বিমলা— হেৰা, হেৰা—[গাত ধৰি জোকাৰে]

কমলা- [সাৰ পাই চকু মোহাৰি ] অ’ তুমি; কেতিয়া আহিলা?

বিমলা- মই বাৰু যেতিয়াই আহো,কাক দেখিছিলা? কুমাৰক নে কোনোবা কুমাৰক?

কমলা— জানো কি কৈছা তুমি!

  [ বিচনাতে গাৰুত আউজি বহে]

বিমলা— কিবা কিবি দেখা নাই জানো সপোনত?

কমলা- [ ভাবি ] কিবা সপোন এটা দেখিছিলো হ’ব পায় সখী, পিচে এতিয়া

 মনত নপৰা হ'ল;

বিমলা— পৰিব, পৰিব, কেলৈ নপৰিব? মনত নপৰিবলৈহে সপোনে দিনতে গবা

 মাৰি ধৰিছেহি?

কমলা— বাৰু, তুমি দিনত সপোন দেখানে? [ বিমলাই মূৰ জোকাৰে ] ৰাতি একা?

 [ বিমলাই মূৰ জোকাৰে ] মই হ'লে ৰাতিও দেখো দিনতো দেখো।