এই পৃষ্ঠাটোৰ বৈধকৰণ হৈছে
[৩৯]
গৰ মধ্যত শিহু ঘৰিয়াল যত।
ধৰি ধৰি সিসবক খাৱয় সতত॥
হস্তী মৃগ মানুষ পাৱয় যত যত।
ঢুকিয়া পাৱয় এক প্ৰহৰৰ পথ॥ ১৫৮
সুহুনি আকাৰ মুখে কামোৰ মাৰয়।
তেজপানী মাংস মানে শোহামাৰি খায়॥
এহিমতে ম্লেচ্ছসেনা আছে অযুতেক॥
নজানিয়া পসে যদি নেৰয় তাহাক॥১৫৯
এহিবুলি মুনিবৰে কহিলন্ত যত।
সংক্ষেপে পদত তাৰ লেখা দিবো কত॥
বৈসম্পায়ন বদতি শুনিয়ো নৃপবৰ।
মুনিয়ে কহন্ত কথা আৰ নিৰন্তৰ॥ ১৬০
নিতে নিতে শুনিয়া থাকন্ত পঞ্চ ভাই।
তাহান সঙ্গত সুখে আছে ৰঙ্গ চাই॥
একদিনা নৰনাথে কৰিলা বিদায়।
আন থানে ফুৰোঁগৈ আমি পাঞ্চ ভাই॥১৬১
মুনিয়ে বোলন্ত ভাল কৰিলা গমন।
মহালাভ হোৱে মহন্তক দৰশন॥
এহিমতে মুণি হৈতে মেলানি লৈলন্ত!
প্ৰভাতে উঠিয়া মান দান কৰিলন্ত॥১৬২
