এই পৃষ্ঠাটোৰ বৈধকৰণ হৈছে
৮০
কদম-কলি
প্ৰিয়াই সঙ্গীত মোৰ গায়;
সঙ্গীত, পৰাণ ভিন্ন নাই;
প্ৰত্যেক চৰণে চূমি প্ৰিয়া-ওঠ দুটি
যৌৱন অমিয়া কৰি পান,
চলে চৰি নতুন পৰাণ।
ভাবনাই ভাবি আন কাল;
প্ৰেমহীনে বয়স জঞ্জাল;
প্ৰিয়া-হিয়া অমৃতৰ মধুৰ মদিৰা
কৰি পান অমৰ আতমা;
যৌবনৰ নাই হেৰা সীমা।
নকবাঁ নকবাঁ মোক বুঢ়া,
বয়স বছৰ অহা ঘূৰা;
চিৰানন্দ যৌবনৰ শুনুৱা বাতৰি;
প্ৰিয়াৰ প্ৰেমৰ চকুজুৰি
দিছে বাৰ্ত্তা, তাতে আছোঁ বুৰি।
১৮৩৪ শক।
আহিন, হাওড়া।
⸺⸺
