এই পৃষ্ঠাটোৰ বৈধকৰণ হৈছে
ৰাধা আৰু সখীসকল
(গীত)
(অসমীয়া নামৰ সুৰ)
বৃন্দা —“বৃন্দাবনতে কোনে বাঁহী বায়, এ হে,
আমি শুনি গলো ধ্বনি হে,
নাকে বাঁহী বায়, আঙ্গুলি বুলাই, এ হে,
ৰাধা ৰাধা বোলে বাণী হে। ”
বিশাখা—বৃন্দাবনতে, কদমৰ তলতে, এ হে,
যমুনাৰ পাৰতে হয় নি, হে?
গধূলি পৰতে, মলয়া বওঁতে, এ হে,
ৰাধাই আনোতে পানী হে,
ময়ো শুনিছিলো, কোন নুবুজিলো, এ হে,
লুকাই কোনে কৰে হে।
ধৰিব পাৰিলে, বান্ধিম এই ৰিহাৰে, এ হে,
দিম ৰাধিকাৰ কৰে হে,॥
ললিতা— কালিন্দী তীৰতে, বনৰে মাজতে, এ হে,
নূপুৰে ধৰিছে তাল, এ হে।
সুৰীয়া, বজায়, মন উচটাই এ হে,
ৰাধাৰ ওলাল কৰ কাল, এ হে।
